مجموعة مسلماني
حائره كيف اتعامل معه
9/18/2011 1:07:00 PM
بدي احكي بالموضوع على طول وباللغه العاميه عشان اقدر احكي اكتر انا بحب شب وهوه كمان بحبني صرلنا فتره طويله مع بعض سنتين ونص مرينا بظروف ومشاكل كتير ومع هيك ضلينا مع بعض رغم كل الظروف الصعبه بس المشكله انو هوه بعتبر اني انا ما بهتم فيه مع اني بحبه ودايما بحكيله هالشي وبعتبر اني ما بغار لاني بس كنت اشوفه بحكي مع بنت احاول امسك حالي كتير وفي مرات قليله اجي احكي معاه وهوه واقف مع البنت ولا كانو صار شي واحيانا تفجر معي وانجن واعمل مشكله ولما كنت اسكت كنت اسكت لانو كنت اخاف احكي كلمه وادايئه فيها ولما سألته انت ليش بتعمل هيك حكالي لانو بدي اياكي تتغيري وبس تتغيري انا ببطل احكي مع بنات هلا بئدر احكي انو هوه ما عم بحكي ابدا ولا مع وحده بس لسه حاسس انو انا ما بهتم فيه مع العلم اني دايما بتصل عليها وبطمن عليها باليوم اكتر من 10 مرات وازا غاب ساعه ومارد علي كتير بخاف عليه واغلب المرات بكون خوفي بمحله وبسير اسأل عليه هون وهون و لما بنكون بالجامعه بحكيله بدي اشوفك وممكن هوه ساعات يحكيلي مش فاضي ازا كان مدايق بضل معاه وازا كان مبسوط حتى لو انا كتير زعلانه من اشي تاني بنبسطله ودايما بحكيله حكي حلو وببينه انو احسن واحلى حد بالدنيا وهوه دايما بنتقدني ومع انو مش كتير شغلات بعمل وهوه بعترف انو مقصر بس انا بحس كل شي بطلع منه حلو وعمري ما حكيتله انت مقصر انا بصراحه حاولت كتير ازيد اهتمامي بس مش عارفه كيف بجد.. وحتى على مستوى الحكي في ساعات بكون نفسي احكيله شغله او اعمل شي وانا عارفه انو رح كتير ينبسط عليه بس ما بئدر بإختصار انا بدي تحكولي كيف ممكن يكون نوع الاهتمام يلي بده اياه شو هالتصرف يلي بتمنى يشوفه مني مع اني عارفه انو ممكن يكون تصرف كتيير بسيط بس انا مش عارفه شو هوه

تصميم وتطوير: ماسترويب 2016
جميع الحقوق محفوظة