عن التلفزيون | أعلن معنا | أرسل مقال | اتصل بنا Google+

الصفحة الرئيسية >   هموم الناس

ملاك..... ممكن تساعدونى

5/13/2010 6:34:00 PM

 

اول الشي  السلام عليكم ورحمه الله وبركاته   انا  امى حملت  فينى  بعمر  43  وبتعرفوا مخاطر هاد الحمل بهاد السن وهي عم تولدنى  تعبت كتير  وتوفت.. ابي  لما شاف امى  عم تتعب وتصرخ  اجت اله  جلطه  قلبيه ومات بالمحل  امى وابي   راحوا وجيت انا  على مكان  مافيه  ضو ستى  اخدتنى  عندها وربتنى احسن تربيه  وهلاء  سرت بالجامعه  بس   ماحد فاهمنى  اذا لستى  شي  ما بتفهمنى  بتحكى  شي  عكس الشي الى  بحكيه   ودايمن بحس بنقص  فيي حنان وغير هيك ستى سايره تحرمنى من شي متعوده عليه من صغرى  هوه  النوم  تحت التخت انا عارفه  انكو  راح تتمسخرواعلى بس سدقونى  انا لما بنام  تحت التخت  بتخيل  حالى  انى باعماق  البحر وباخد  معي ضو بخليه غواصه اكتشافات وبشوف نمل بخليهم زوار  سياحه  انا عارفه انكو  راح تحكوا ( اي  بلاش  تتهبليش   ومسخره  ومن هالحكى)  ستى  سارت عم تحرمنى  من كل شي بحبه  وسايره وراى  تقولوا   زي  مكوك  غير هيك انا لهلاء  ما عندى اصدقاء منعزله  بحبش  الحياه   انا السبب  بموت  امى وابي يعنى  ليش ما مت انا  وضل امى وابي  بحس اليوم الى عم بمرق  حرام  اعيشه   ياما  ناس فهمتنى  غلط وجر حتنى  سرت ما احكى شي  اسمه انسان سرت اضل مع القمر  ما بعرف  ليش  هيك سايره وحيده وما بنكر  انها الوحده  بتدايقنى بشوف الناس عم بتحب وبتنحب وقصص غراميه بس انا ما بعرف  معتبره القمر هوه  حبيبي والناس هيه النجوم  دايما  بحكى معه  وبشكى همومى  ومعتبره القمر  حبيب  لطول الايام  مو متل اليوم حبيب  كم سنه  وبعدها مع  السلامه  انا بدي اسير  للافضل  ما بدي ضل وحيده  ولا منعزله  انا بتمنى انكوا تكون فاهميبنى  ووبتمنى من كل قلبي  تساعدنى  وسدقونى بكون  ممنونه الكوا  كتير والسلام  عليكم

ما تعليقك على هذا الخبر؟

أضف تعليق

الاسم
الدولة/ العنوان
التعليق
رمز التحقق
تغيير الصورة

تعليقات الزوار

1

لمووووش، اريحا

ستك كبيره وبتخاف اكيد عليكي من كل شي وهذا سبب اكيد واضح بكل ست كبيره بس اهم شي تحسني علاقاتك مع الناس لحوليكي يعني انتي طالبه بجامعه ليه ما تخطلتي بلي حواليكي ولا تخلي ليأس يسيطر عليكي وان شاء الله بتنحل وبسير كل شي احسن من ما بدك

2

احمد، نابلس

اول شي وان كان الكلام صح احمدي اللهى على كل شي لانو ارادة ربنا ما بنقدر انعارض عليهاوتاني شي اتأقلمي على طلابات ستك شو تحت التخت حسيتك خريجو سجون ومتعوده اتنامي على تخت طبقات زي فلم عودة الندله لعبله كامل هههههههه الله يسعدك يارب احضري الفلم حلو

3

احمد، نابلس

اختي العزيزه انا بقدر الوضع الي انتي فيه وتاني شي الي بيتمسخر عليكي انك تحت التخت بتنامي ومن هل امور بعتبرو انسان جاهل لئنو كل انسان عندو تخيلات وسغلات بعملها غريبه كتير بالنسبه لانسان تاني منشان هيك خليكي متل ما انتي ووين ما ترتاحي نامي وستك بدك اتداريها الكبار بالسن هدول بيغلبو شوي بس حرام ما تنسي انها هي الي ربتك وهي متل امك منشان هيك اسمعي كلمتها دائما وما تحكيلها انتي غلط لئنها هي بتعبر حالها دائما صح حتى لو هي غلط منشان هيك اكسبيها يعني اضحكي عليها عادي مش مشكله بس رح اتلاقيها منك اد الدنيا وتاني شي لما تحكيلك على شي لا احكيلها مزبوط وبعد ما تنام هي نامي وين ما بدك ههههه سيتي بالنسبه لامك وابوكي الله يرحمهم كلنا رح نموت انا وانتي وكل الناس الي بالدنيا انتي ما تياسي ادعيلهم بالدعاء الصالح وصدقيني حتى لو امك موجوده رح يتم في نقص بالحنان يعني في ناس كتير عندهم امايات وعل فاضي طبعا انتي منشنك انحرمتي منها رح تحكي هاد عمالو بتهبل بس بحكيلك هاد نصيبك بالدنيا وانشاء الله الله بيفرجها عنك وانشاء الله بيجولك ولاد وبنات وما بتحرميهم من حنانك

4

مجود، فلسطين

اول شي صباح الخير ياملاك .. وتاني شي بتمنى عليك ما تترك نفسك لهاي الحاله حاول اطلع من الوضع اللي انت فيه واعمل صادقات واتعرف عل ناس لانو نحنا عايشين على الارض مش على القمر.. بعدين ابعد عن موضوع النوم تحت التخت وخليك انسان واقعي .. ما في مانع انك تحلم لانو كل انسان بيحلملكن ما تخلي الاحلام تصير محور حياتك .. واتمنالك كل الخير

5

ساره نابلس، نابلس

عزيزتي ملاك رد الفعل على الوحده والعزله ممكن يجي بعدة صور وردة فعلك بتحسي بامان تحت التخت وهاد مش عيب حبيبتي انا بنصحك بالعلاج النفسي مش عيب هاد الشي وبالنسبه لابوكي وامك اجلهم واجا اما الناس دايما بتجرح وبتقسا بس ربنا بالاخر ببعتلك الناس الي تحبك وتحترمك وتطلعك من وحدتك اتمنالك السعاده

6

غادي، نابلس

اول شي لازم تتفائلي وتلتزمي بالصلاة وادعي لابوكي وامك وهاي ارادة رب العالمين ادرسي منيح والله يوفقك

7

نونو، نابلس

هادا فلم هندي ولا مشكلة بالضبط والله العظيم انا مش مصدقةانو في واحد بنجلط عشان مرتو ماتت هاي أولاٌ تانياُ اذا نفسك اتحبي حبي بدون ما تلمحي لحدا انتي عندك مشكلة ولا انتي وحدة رومانسية ولا ستك متعبتك بصراحة الموضوع مش داخل مخي بنصحك بطلي نومة تحت التخت بلاش النمل ياكلك

8

ساره نابلس، نابلس

انتي بتحكيلها انسيكي من العلاج النفسي لي هو شي حرام ولا عيب اذا جد هي عندها مشكله تتعلق بطفولتها خليها تعرض نفسها عدكتور مش حياكلها ولا يضربها ح يسمعها وينصحها بعدين الافلام الهنديه حلوه بس لو اجنبي ياي احلى هههههههه

9

بنت نابلس، نابلس

مرحبا شوفي شغلة ستك هاي ما عليكي منها اعملي الي بدك ياه لا تردي عليها وبعدين بالنسبة للوحددة فيكي تبعدي عنها اتعرفي على صاحبات او فيكي تعملي اي اشي لتبعديها عنك ولا تردي انتي ماشالله حولك بتجنني فش فيكي اشي لا تردي على الي بقلك اتعالجي نفسيا وشغلة ابوكي وامهم انتهى عمرهم يعني ما دخلك انتي بموتهم والله يوفقك

10

حيات الروح، نابلس

مرحبا ياحلوه هالحكي متل روايات يعني انتي بالجامعه مو معقول ماعندك رفقات وهالايام كل شي موفر في نت وفي تلفونات فيكي تتواصلي مع رفقاتك بنات عمك تشغلي حالك بكتير شغلات وموت امك وابوكيقضاء وقدر اتوكلي عربك وكوني احسن من هيك مابينفع انتي صغيره فكري بشي احسن من هالحكي

11

حموده، فلسطين

انا حاسس فيكي وبحكيلك انك تصبري الصب مفتاح الفرج وأنا حابب اساعدك اكتر بس ... اذا بدك تزوريني عالايميل عشان نساعد بعض لانه مشكلي شبه مشكلتك.abo-jro7_1993@hotmail.com

12

نابلسه وعيني قويه، نابلس

اول شي جد ربنا يعينك ازا كلامك مزبوط وتاني شي فكرة الدكتور النفسي انسيكي منها بتعرفي ليش؟؟؟ اصلا ما عنا دكاتره نفسيه كويسين جد انا متاكده انه رح يستغل الوضع وبحارجك انك تلاقي انسان يسمعك من غير ما ياخد شي بالمقابل رح يتعاطف مع كتير بس بالنهايه رح تخسري شغلات كتير وكمان الي بتحكيلك انسي ستك شو هالحكي هاي هي الي ربتها ورعتها من هي صغيره ... حبيبتي اسمعي انتي شو تعملي عيشي حياتك بس زي ما بترضي ربنا صدقيني الصاحبات ما رح ينفعوكي خليكي مع ربنا ربنا بكون معك وبحماكي.. الله يهدي بالك في الدنيا والاخره

13

ساره نابلس، نابلس

هههههههههههههههههههههههههههه شيطون امانه عليك كل هاد صار معك والله شكلك شوؤن وحالات اجتماعيه والله انا خايفه بعد ما تقرا اميلي تفئع شاشة الكمبيوتر بوجي واموت بس جد الله يرحم جميع الي ماتولك وممكن سؤال مهم في حد تعرفو عايش اذا فش روحلهم يا زلمه ههههههههههههههه جد والله ضحكتني وانا بصعوبه حد يضحكني

14

شيطون، فلسطين

احمدي الله انك بتنامي تحت التخت..انا بنام تحت المغسله وبحمل شمسيه وبتخيل حالي بفصل الشتاء..كل ما بسمع صوت المي بفكر حالي اتغرقت ..بفتح الشمسيه...وانا زيك ما بحب حدى وبحب الشمس ومعتبرها حبيبتي ..عارفه ليش ؟؟لانها بدفيني لما بطلع من تحت المغسله بعتبرها الشمس الي بحتاجها بفصل الشتاء الي انا بتخيلو...بس انا بفرق عنك بشويه صغيره لما بنام تحت المغسله بكون اشرب شاي بنعنع ومرات ليمون بنعنع حسب المزاج...انت بتشربي اشي وانت نايمه تحت التخت؟؟؟ عفكره,وانا كمان امي ماتت وانا حامله فيي كانت هاربه هي وابوي من الجيش ما قدرت تركض بسببي لانها حامله فيي وقعت وصار معها نزيف وماتت ولما اجا اساعده ابوي اجاتو رصاصه ومات بس سيدي الي نفد كان يشتغل عسيارة اسعاف لما اجا ينقظ ابوي وامي وكان مسرع كتير حرفت معو السياره ودخل بعامود الكهربا الي كان متشعبط عليه عمي .....,اه مهو عمي كان يشتغل كهربجي بعد الظهر ..عمي كمان راح بالحادث بس ستي حاولت تنقظ سيدي لما صار معو فشل كلوي بسبب الحادث فماتحملت عملية نقل الكليه اتوفت ع المطرح ولما طاب سيدي وصحي راح اشوف مكان الحادث وعامود الكهربا الي تكسر بالحادث ويقرأ الفاتحه ع روح عمي بس للاسف لطشتو الكهربا عشان البلديه كانو لسا مش مصلحين الكهربا رحمة الله عليه وعليهم كلهم...عارفه لما ترني علينا عالباب فش حد يفتحلك الباب لانو كلهم ماتو عشان هيك مرات بخلي الباب مفتوح

15

دويكات، الامارات

والله انا بايد رقم 11

16

جهاد الخطيب، فلسطين

مرحبا ملاك يا احلى ملاك بالعالم كله انتي جواكي انسان حلو ملاك لزم تحافظي عليه ما تخليه يموت ولا لاي سبب جواكي كتير اشياء حلوه قرئت موضوعك بجديه اي خدمه بتحتاجيها من عيوني ممكن ببعتلك ايميلي ازا بتحبي اكون صديق لالك وازا اخوانا بالموقع بيسمحو بموضوع الايميلات الحياه حلوه وانتي احلى ملاك قولي يارب

17

نونو، نابلس

فظيع شيطون والله انك فظيع وانت الوحيد اللي فهمان بكل هالناس بس ملاحظين انو في واحد كتير رومانسي بينابس برجع وبقول شيطون فظيع هههههههههههههههههههههه

18

ساره نابلس، نابلس

بصراحه الموضوع خلص طول واخد اكتر من وئتو لازم تحطولنا مواضيع جديده ت نعلئ عليها شو رايكم بئصة حمار بنابلس انتحر من التعذيب والله بمزحش هههههههههههه انتحر من بنايه جديده حمار جريء

19

عميد، نابلس

انتي يا ست ملاك لازم اتشوفيلك ابن حلال تحبي وينسيكي الهموم بس اكيد ما اينسيكي اهلك او اتحاولي تعملي صداقات مقربة مع صاحبات لالك مش ضروري ايكوني اصدقاء مقربين ويعرفو عنك كل اشي بس عالاقلية امشي معهم اطلعي انزلي اتعرفي عأهلهم والحياة حلووة وبعزيكي باهلك اهم اشي

20

نقطة حبر، فلسطين

مرحبا عن جد الله يعينك يا ملاك انا كتير تاثرت بقصتك بس بنصحك تشغلي وقتك باشياء مفيدة وتشاركي بنوادي او تطوعي بمركز الخدمة المجتمعية التابع لجامعة النجاح كتير عندهم انشطة وشغلات حلوة وما تفكري بالاشيا الحزينة الي مرت معك وعيشي حياتك لانو عن جد مافي شي يستاهل الزعل واهلك الله يرحمهم وهاد قدرهم وانا مستعدة اكون صديتك لاني بحاجة لصديقة تفهمني زيك انا بدرس بجامعة النجاح وانتي بانو جامعة

21

jamil_444_8@hotmail.com، palestine/tulkarm

لا تهتمي للتعليقات التي لا تكتب الا لمجرد الاستهزاء و الاستهانة بمشاعر الناس وهمومهم . اولا عزيزتي ملاك احمدي الله عز وجل على كل ما حصل واعلمي ان لله حكمة في ذلك , وعليك بالصلاة والاستغفار وان لا تنجري وراء ما يسمى صداقات بوي فريند او انحلال اخلاقي بل الزمي عفتك وأدبك فجمال الفتاة من جمال اخلاقها وأدبها , واحمدي الله الذي لا يحمد على مكروه سواه . لا تظني ان بكلماتي تخلف فكري وتعنت قبلي , ولكن انصحك ان تتدبريها وستجدي انها الحق كل الحق فعليك بالصلاة والدعاء الى الله والألحاق في الدعاء والبكاء لله عز وجل ان يرزقك زوج يعوض عليك كل الذي فقدتيه ,ويزيل جبال الحنان التي على صدرك , ويكون لك العون والمسكن والامان . لا تبخلي على نفسك بالدعاء وأكثري منه واللحي على الله في دعائك . وكوني رقيقة القلب حنونة مع جدتك فأنت لها اغلى من دمها فكوني رقيقة حنونة . جميل ...

22

ساره نابلس، نابلس

انا ما بستهزء عكلامك يا ملاك وبعرف شو يعني تحسي انك فش الك حد غير نفسك بس انا بديش تضلي تفكري بهالئصه وتتعبي نفسك وما تردي عحد وتدوري عصاحبات وعواحد تحبيه لو ربنا كاتبلك بجيكي صاحبه وحبيب وكل شي الحب بفروعه صداقه وحب بيجو لوحدهن ما تتعبي نفسك الا تلائي حد يفهمك واعتبريني صديقه وانا ما بتمسخر والنبي

23

شرين داوود، فلسطين \نابلس

السلام عليكم اشكري الله علي كل شى ولستي انت بصير معك هذا الشي ولكن اشكري الله على كل شى

24

شرين داوود، فلسطين\حوارة قرب نابلس

السلام عليكم براي انك تاخدي ابن الحلال احسن الك واقاربك اذا شوفتي الموضوع عجبك فكري فيه وسلام معك شرين نابلس \حواره

25

اسامة شيخ يوسف، نابلس

ولله قصتك مؤثرة جدا- يعني انحرمتي من حنان الام والاب بس إن شاء الله رب العالمين رح يعوضك في حياتك ورح تكوني من احسن الناس إن شاء الله

26

سماعنة، نابلس

لازم تضحي بالحياة و تحاولي توصلي لامنيتك متل ما ابوكي و امك ضحو بحياتهم من اجلك ما تطلعي على كل شي متل الناس اصنعي حياتك بشخصك و ما تفكري انه القمر الي بتحاكيه بجوب حلول لكل الامور ما بتعرفي يمكن القمر يغدرك و الناس كمان ممكن يغدروك ما تنسي الشاعر بحكي ومن لا يحب صعود الجبال يعيش ابد الدهر بين الحفر و اتوكلي على الله في كل عمل و لما تفكري تحلي همومك ما تفكري بعاطفتك القلبية و فكري بعقلك و بذكائك وما تفكري انه ستك ضدك لما تمنعك من النوم تحت التخت لانه هلا كبرتي و راح تواجهي حياة مش سهلة و يمكن ما حد راح يتقبل انه تنامي تحت التخت و ما تفكري انه النومة راح تحل مشاكلك التومة تحت التخت بتعيشك باحلام و لا شي منها صح فكري بعقلية و اتوكلي على الله

27

عادل 24 سنه، بئر السبع

هااااي

28

احمد، فلسطين نابلس

مرحبايا ملاك بدي منك تعتبريني القمر ولو ل لحظه انتي فعلا ما الك ام ولا اب بس الك ست الله يخليلك اياها وبنفس الوقت لازم تعطي اهتمام للي حوليكي يعني مستحيل ما الك صاحبه او حتى زميله حاولي انتي تعرفي عالناس يعني مفكره همك اكبر هم بالدنيا؟ لا بتهيألك لانو اللي بشوف مصيبه غيرو بتهون عليه مصيبتو فكري مع حالك شوي وخليكي زي ما انتي خبي القمر ونامي تحت التخت بس عيشي حياتك بالطول وبالعرض وشوفي كيف بدك تصيري وبالتوفيق قلبي معك ...احمد

29

نضال نابلس، فلسطين

اول شي مرحبا وما تستحي من الشي الي عم تحكي وما حدا رح يتخوت او يضحك بتعرفي ليه عشان الدنيا كما تدين تدان وجد الله يعينك ويبسطك وبنصحك تروحي تتعرفي على صديقات وروحي انتي وهما وشمو الهوا ونشاء الله بتنسي

30

nader، فلسطين

انا حسيت فيكي لانو قصة مش غريبة علي بتمنا ما تعاتبي نفسك على موت امك وابوك الله يرحمهم لانو الموت بيد الله و الله يخليلك ستك ويهديها انا صار معي نفس الشي تقريبا بس بشكل تاني وانا كنت اتمنا الموت بس شفت الحياه حلوة غيرت رأيي وقلت لازم اتحمل بتمنا حياتك تسير احسن يا ملاك وازا بدك اي شي انا موجود

31

نوره، فلسطين /نابلس

ملاك تمسكي في الصبر فهو مفتاح الفرج انشاء الله وانخرطي في المجتمع من حولك وتعيشي معا واتمنا ان نصبح صديقتين

32

eyad، نابلس

السلام عليكم اسال الله ان ينعم عليك الصحة والعافية والامل والسلامة الوضع الذي يعيشيه هو وضع طبيعي فانت بحاجة الى قضاء وقت الفراغ لديك من خلال الاشتراك بالعمل التطوعي او في احد المؤسسات الاجتماعية في المدينه وهنالك الكثير من المؤسسات التي تهتم بالصبايا واكثر شيئ ممكن انو تندمجي فيه انثاء دراستك الجامعية هنالك العديد من الانشطة اللامنهجية التي تؤسس لك شبكة من العلاقات الاجتماعية التي تخفف عنك وانت باذن الله راح تكوني سعيدة ويمكن من خلال قراءة القران وبعض المواضيع التي تهتمي بها تافالوا بالامل والخير وعليكي ان تكتشفي العالم بعيون جديدة

33

مجنون فلسطين، رام الله

مساء الخير للجميع والك اخت ملاك صراحه قصه مؤثرة وربنا يصبرك والك الاجر والثواب كل يلي بطلبو منك انو تدعي لامك وابوكي بالرحمه والله يرحمهن ويجعل مثواهم الجنه وجميع موتى المسلمين وبحكيلك ربنا يوقئك بحياتك ودراستك وانا متاكد وواثق انو ربنا رح يعوضك عن كل شي ناقص عن الحنان والحب والعطف اكيد ربنا رج يبعتلك جوز لالك يعوضك ويحطك بعيونه وربنا ما بنسى حد بس الصبر

34

وردة، فلسطين

انا عنجد احزنت عليكي اللة يكون بعونك ولازم انتي تعيشي حياتك ولازم ماتكوني معزلة عن الناس

35

يزن، رام الله

اول شيئ اطلبي ارحمه لولديكي بعد هيك كوني مقتنعا بان اهلك كتير بحبوكي عشان هيك ما تفكري كتير في الايام وجعلي من حياتك سعاده وطموح للمستقبل لسه انتي صغيره والحياه قدامك ما تياسي من رحمه ربنا ؟؟؟ كوني كالعصفوره الشاديه تغدو بحريه انظري الى السماء وكنوني انتي الملاك مع كل احترامي

36

سميحة، عناتا

بالنسبة لامك الله يرحمها اما بالنسبة لابوكي الله يسامحو وبالنسبه لستك الله ياخدها اما بالنسبة للنوم تحت السرير بدك الصراحة احلى نومة وانا بفكر اجي انام جنبك علشان انا ما عمري رحت على البحر والبحر بعيد عنا كتير بس انا استاذ بالسباحة اذا بدك بعلمك وبتصير تسبحي بالاعماق بس الميه مش شفافة ب ي ض ة وسخنة مش باردة وحلوة مش مالحة اما بالنسبه للقمر ما في قمر وانتي موجودة بس اول مرة بشوف قمر تحت التخت غريبة ما تطلعي واتورجينا حالك اما بالنسبه لحياتك بصراحة مش حياة تردي علي انتحري وانتريحي احسلك بتعيشي بدون ستك وبدون سرير وعلى القليلة بتلاقي حدا يفهمك فوق والامانة تسلميلي على امك كتير الام وتبوسيلي اياها بس ابوكي ما تسلمي علية لانو ما بستحي سابك ولرح

37

محمد، فلسطسن

مرحباملاك كيفك انا محمد من فلسطين وقصتك مؤئرة كتير وانت غلط انك تحكي انك لانتي سب موت ابوكي وامك هاد من الله عز وجل وازا بدك نكون اصدقاء هاد ايميلي darknesslover_85@hotmail.com مع الشكر سلام

38

yazan، السعودية الرياض

مش عارف شو احكيلكم بصراحه انتو شعب كان الو ماضي ومستقبل بس بالوقت هاد بطل لا مستقبل ولا ماضي ولا حتى ضل حاضر اوكي انا معكم بقصص الحب هاي بس استغلوها صح وما تنسو انو عليكم مسؤولية كبيرة تجاة بلدكم اما بالنسبة للبنت صاحبة المقال اذا هي صادقة في اكيد رح تكون انسانه رقيقه في منتهى الروعه اما اذا كانت القصه من الوهم فلها مستقبل جيد في سرد القصص والمشاعر الرائعه واقول للجميع بالتوفيق وان شاء الله تحل جميع مشاكلكم اخوكم يزن من الرياض الاصل فلسطيني العمر 26 سنة

39

واحد فاهم الدنيا صح، اللي بيحكولها فلسطين

والله هاي القصة المهزلة بتعبر عن كل هل حكي الفاضي وهل عالم التافهه ولوين وصل مستوانا وبحب وبحبش ايش وطلقني وتزوجني عالم فاضيه واسفــــاه عليكي يفلسطين ...... خشووو في ؟؟؟؟

40

احمد، فلسطين

اسمعي يابنت الحلال الي انتي بتعملي بنفسك اكبر حرام وانتي بترتكبي بحق نفسك جريمه لازم تخرجي وتشوفي الناس وتحكي معهم عشان انتي تفهميهم ويفهموكي افهمي الناس والحياه بشكل صحيح الكل بيفهمك

41

وجدان، فلسطين

يا ملاك يا غلا يا احلى من العسل و السكرة و الله انك بنت امورة هيك فهمت من كلامك ... بعدين انت بتنحبي و كلامك حلو كتير و حسيت من كلامك انك عندك شخصية قوية و انه كمان عندك القدرة على كتابة القصص ... حبيبتي نصيحتي الك انك تشدي القلم و الورقة و تخليهم اصحابك قبل القمر و النجوم ... و اكتبي عن كل اشي بتحبيه او بتكرهيه على الورقة ... صدقيني بترتاحي ... بعدين حبيبتي انت مو هيه الوجيدة الي عايشة من غير ام و اب علشان هيك مش لازم تحسي حالك وحيدة ... شو عرفك ممكن انت وضعك احسن من غيرك بكتير ... اما بالنسبة للنومة تحت التخت فما هيه الا مشكلة و اهم اشي لما الانسان يكون بمشكله يعرف و يدرك مشكلته اسبابها و ابعادها علشان يقدر يلاقي الحل اللازك الها ... فالحل برأيي انك ترضي بحياتك و تحاولي تعيشيها بأمل و ابتسامة و الله اني حبيتك

42

hamooda، palestine

كل انسان بهالدنيا مر بظروف صعبة او عاش تجربة صعبة .. على كل حال لفت انتباهي شي من اللي مكتوب بالقصة انو انتي بتشكي للقمر وانتي وحيدة متلو... بس انتي ليه نسيتي رب القمر ..ليه ما تشكيلو وهو خير من انك تشكي لشي مخلوق ..بالنسبة للمووت هو المصيبة الوحيدة اللي بتكون كبيرة وبتصغر وبعدين انتي ما لازم تلومي حالك انو امك ماتت من الولادة لانو (ولدت رغما عني وسأموت رغما عني ولكني سأحيا كما اريد ) بتمنالك حياة افضل

43

ملاك، القدس

انا بحترم ارائكم بس انا ما بحس انه عندى مشكله نفسيه بس بحاجه لحل يرضينى ويرضى ذاتى

44

hassan، nablus

على فكره انتي عندك حاله نفسيه بنصحك تراجعي طبيب نفسي موفقه

45

ايمان، نابلس

الله يساعدك انا ممكن اكون صديقتك انا متلك ما حدا معطيني احساس حاسه حالي وحيده ممكن تصاحبيني بدي اعطيكي ايميلي بس خايفه حدا ياخدوه

46

مؤيد، بلاد الله الواسعة

مش عارف شو احكيلك قسما باله انتي بني ادمة بقم الروعة بتمنى احكي معك عالايميل تقبلي هالطلب وقسما باله انتي بجوز تستغربي مني بس اذا فتي هون امانة تخليني حكيكي

47

احلام، نابلس

بس الله الرحمان رحيم اتوكل على الله ولا يهمك حكى ناس الله يفرج عنك انشال وبدعيلك من كول قلبى وشكرا ومع الف سلامه وبحكيلك كمان انشال الله يوفكك فى حياتك ومع سلام

48

amjad، stuttgart

اول شئ انت مش السبب بموت اهلك فيه اية بالقرءان الكريم بسم الله الرحمن الرحيم الذين اذا جاء اجلهم صدق الله العظيم ومعنى هذه الاية انه اذا اجت الانسان ساعة الموت لااحد بقدر اجلها او يهرب منهاوالذي حدث معهم قضاء وقدر من رب العباد اختارهم جنبهاما لجدتك فلازم تعرفي انها بتحبك وبتريد لك كل خير وتشوفك احسن الصباياوهي بمقام امك وابوكي لازم تفرحي فيها وكل الافكار السلبية من وساوس الشيطان تبعديها من تفكيرك واما على نومة تحت السريرزمان واحنا صغار كنا ننام مثلك هلق كبرنا ونسينا الذكريات هاي العمر والسنين اخذتنا لامور ثانية دراسة وتفكير للمستقبل مش غلط تضلها افكار الطفولة معنا بس لازم نتقدم بحياتنا ونسير للافضل واصدقائك الي بتمسخروا عليكي لاتهتمي الهم ولا لتعليقاتهم كل الناس مختلفين بتفكيرهم وباشياء كثير وانت دائما تختاري اصدقائك وبامكانك التمييز بينهم وبامكانك في الجامعة او بالحارة تتعرفي على صبايا مثلك عندهم اهتمامات وافكار تساعدك لحتى تتقدمي في حياتك وبامكانك تشاركي بجمعيات نسائية او نوادي ثقافية لتتعرفي على ناس جدد بحياتك تفائلي وعيشي بامل ونمي احلامك وطموحاتك وابتسمي للحياة وخلي ثقتك وايمانك برب العالمين فوق كل شئ

49

بنت فلسطين، فلسطين

لا حول ولا قوة الا بالله اولا الاعمار بيد الله عزوجل لا اعتراض على حكم الخالق وبعدين انت ما شاء الله صبية وستك اكيد خا يفه عليك لانك انتالان كبيره ولازم تكون عاقله اكثر من هيك

50

راضي حشاش، فلسطين |نابلس

اولا انا بعزيكي بوالديك وتانيا الحياه لازم تمشي لأنه ازا ظليت هيك ما بتحبي وما بتنبسطي راح تظلك هيك طول حياتك نصيحه انو تفكري بس بالشي السعيد يلي مر عليكي طوال السنين انا ما بحكيلك انسي والديك بس بحكيلك اتزكري الشي السعيد واطلعي من البيت مع بنات قرايبك مع رفيقاتك وغيري جو خليكي هيك على مدار اسبوع او اسبوعين راح تتحسني انا متاكد والله يكويقك ويسعدك

51

ra2ed، nablus

مرحبا اختي...اول شي الله يرحم والديكي ويعينك ويعوضك عنهم كل خير...انتي ما تفكري هيكتفكير وما تحصري حالك وتعيشي بجو الوحده ..اطلعي..غيري جو..حاولي اعملي صداقات مع بنات بس يكونوا محترمات ويدلوكي على الخير ويطلعوكي من الجو اللي انتي عايشه فيه...قبل كل هالحكي ألجأي لرب العالمين وادعيله واشكيله همك لانه هو الوحيد اللي رح يعوضك ويخفف عنك وهوالعالم بحالك بس المهم ادعيله ...وربنا ان شاء الله رح يعينك ويصبرك ويعوضك كل خير..تحياتي الك

52

ساره نابلس، نابلس

لجميع من يكتب تعليق عاي مشكله بشكل جارح واستهزاء بتعرفو انو المشكله الي بتواجه اي انسان مهما كانت سخيفه اذا عوملت بسخريه بتزيد وبصيرالانسان غير قادر على مواجهتهابعدين كلنا عنا مشاكل ومهما كان رايك اطرحه بس بدون تجريح

53

علاء بني شمسه، فلسطين نابلس

المهم تكوني قوية وما تحرمي حالك من أي اشي وأعتمدي على حالك وعلى قصة أنك مذنبة بموت أمك وابوكِ هاد مو ذنب هاد قدر من الله وكلنا راحلون وكلنا رايحين عالموت وما تحملي حالك مسؤولية انتي مش قدها على كل حال ربنا معك وفي ناس معك بس أنتي أهتمي بحالك أكثر وهاي الحالة الانزوائية خففي منها وصيري فكري أكثر وتعمقي بحياتك واذا بدك مساعدة أيمميلي موجود وانا موجود بأي وقت واقرأي لجبران خليل جبران كثير بتساعدك كثير كتبو وشكراً وتقبلي مروري

54

Montaser، فلسطين

اول شي مرحبا ...بتمنالك حياه سعيده ولكن في ظل افكارك اللي عم تعيشي فيها صار من مستحيل تتخطي هيك حدود فانتي محجوزه بحاجز ماضي اللي بخليك ما تفكري للافضل هالشي ولد بداخلك اشي كتير صعب وهالشي صار عم يرسى باعماق قلبك كونك صرتي تعتبري مع الوقت هو مسار حياتك اللي صار قضاء وقدر والوالده توفت الله يرحمها ربنا كاتب الها هيك وابوك اتوفى من حبو لامك ؟؟ بس اللي انتي بتعملي هلا بافعالك هو بدل ع كرهك لاهلك مش حبك الهم ؟ عشان هيك لازم تخلصي بحبك الهم وتعطيهم اشي مقابل اللي عملو كرمالك لازم ما ضيعي تعب امك وابوكي وخصوصا امك اللي تعبت تا ولدتك فانتي بتصرفاتك هاي الانعزال وتفكيرك بالحياه باسلوب سيء بدايق امك في قبرها ؟؟ لذالك يجب ان تتغيري يجب ان تضعي لايامك القادمه اهداف ساميه اسعي الى تحقيقها يجب ان تجعلي ايامك تفائل كوني بارادتك قويه لا تكوين بقلبك ماضي انا بقدر اساعدك تمشي خطوه خطوه بحياتك لو كان هالشي صعب علي بس انا بطبعي بحب اساعد اي حد وبتمنى لو لسه بحاجه لاي مساعده انا جاهز

55

ايه محمد، فلسطين

الله يكون بعونك يارب ويعتلك ابن الحلال الى تحبيه ويحبك ويرزقك الذريه الصالحه وياستى استحمليها ستك لانه هى الى بقيتلك بالدنيا وانت يا شيطون دمك متل العسل

إقرأ ايضاً

الأكثر تفاعلاً

أخبار محلية
اختفاء اثار شاب من نابلس
أخبار فلسطينية
مصرع عامل فلسطيني اثر سقوطه في ورشة بناء
أخبار عربية
بعد اعدام 11 سجين في الاردن فجر اليوم : "سجان" يروي تفاصيل مثيرة من غرفة الإعدام في سجن "سواقة" !
مواضيع مختارة
صورة لسعودي متهم باغتصاب أميركية تثير الغضب
مواضيع مختارة
فيديو مضحك: طفل يخلع باروكة والدته في مشاجرة معها بسوبر ماركت
أخبار عربية
الاردن : عائلة أحد المعدومين ترفض استلام جثمانه
أخبار فلسطينية
شاب يحرق أحد أقاربه ويسلم نفسه للشرطة
فنون
صور : موديل تركية رهيبة تهز عرش جميلات الفن بأنوثتها الطاغية

تصميم وتطوير: ماسترويب 2013
جميع الحقوق محفوظة