أنا شب من فلسطين.. بعيش بحالة نفسية متوترة تقريبا طول الوقت بس ما بعرف ليه.. تعرفت على بنت عالنت من دولة (...) وصارحتها باللي بصير معاي وكانت تخفف عني وتريحني من الهم صارت علاقتنا قوية جدا يوم بعد يوم يعني دايما اما بحكيها عالنت اوالجوال.. وكنت بعتبرها أخت الي وهي كانت بتعتبرني أخ الها وكل شي كان حلو بينا وبعد مدة عرفتها على اهلي وحكت معهم عالتلفون.. وانبسطو كثير منها بعدها انا حسيت اني بحبها من كل قلبي ما بعرف كيف بس هي من الله.. وصارحتها باللي بقلبي وهي قالتلي انو هي كمان بتحبني بس خايفة انها تقلي وارفضها لانو كانت علاقتنا جدا أخوية وكمان هي اكبر مني بشوي.. كانت تزرع الأمل بقلبي لانو انا حاليا ما بدرس بالجامعة لانو ألأب ما بقدر يدرس لانو في أخوة الي فالجامعة وهادي نقطة مهمة ساعدتني فيها. وكانت بتحكيلي كثير شغلات عنها انو ابوها معاه مصاري فوق الريح وهي معها وبنت راقية يعني كانت بتقول عن حالها انها هاي هاي بطريقة غير مباشرة بس انا ما حبيتها لفلوسها انا حبيتها لطيبة قلبها معي وحسب قولها صار معها كثير مشاكل وكانت بتصارحني فيها وانا اساعدها بحل مشاكلها لانو معظمها اجتماعية... يعني بالآخر غصت في حياتها وغاصت في حياتي... وبنيت حياتي على اساسها لانو قالتلي انو رح تسافر لعندنا بفلسطين وتشتغل هون لانو بتتمنى انو تكون جنبي وتشوفني وجه بوجه وبعدها اطلع ادرس برة وهي تطلع معي ولما اخلص برتب حياتي معها...يعني كان كل شي كان تمام...وفي أمل فيها بس اكتشفت بالآخر انها كذابة من كل النواحي حتى اسمها...ولا فوقيها ولا تحتها ولا معها اي شي ومن كثر الكذب.. حكت مع شباب عنا بفلسطين عني وصارحتهم بكذبها ووصلني الخبر بطريقة معقدة وطويلة ولهلا هي بتحكي معي بس ما عارف شو أعمل معها وكيف اعاملها لانو انا حساس شوي وما بدي أدمر نفسيتي. بصراحة كنت بحكي للمقربين الي عنها بس كانو يقلولي انو قصصها كذب × كذب ومدام انا برتاح معها ما كنت معطيهم اهتمام بحكيهم يعني مصدقها بكل شي لانو صرت اعتبرها حبيبتي وكنت خايف من انو المقربين غيرانين مني لانو حبيبتي غنية كثير كثير انا هلا ما عارف كيف اتعامل معها ولساتني طبيعي جدا معها يا ريت تساعدوني وتفيدوني